جئیران اولسام ، سن داغیمسان

بولبول اولسام،سن باغیمسان

سونبول اولسام ، تورپاغیمسان

سرین سولار ، سند ن آخان

آغ بولوتلار، یور قانیندی

مرد اوغوللار قوربانیندی

یول گورسدن ، قورآنیندی

دوشمن لری ، درده سالان

آنا یوردوم شاهین دژ

***********************

من آرازام ، سن خزرسن

آغیزلاردا ، چوخ گزرسن

هر آفت دن ، بر حذر سن

قار-یاغیشلار ، سنه یاغان

آنا یوردوم شاهین دژ

***********************

قول-قانادیم ، هوسیم سن

یورولمای ان ، نفسیم سن

من اوره یم ، قفسیم سن

منه دایاق ، کومک دوران

آنا یوردوم شاهین دژ

***********************

من قوش اولسام ، سن پریم سن

زرگر اولسام ، سن زریم سن

عاشیق اولسام ، دیل بریم سن

عاشیق لری ، سای سیز اولان

آنا یوردوم شاهین دژ

***********************

گوزَللرین ، گوزَلی سن

داد لی-دوزلو مزه لی سن

شاعیرین شعر ، غزلی سن

آدین سنین ، دیلده قالان

آنا یوردوم شاهین دژ